La Passioni ti Cristu (di Emanuele Castrignanò)
Aria mesta, cupa, aria ti passioni,
tiempu prima ti la risurrizioni.
Funziùni sulenni, la sittimana santa,
pi’ ci teni feti, ca nci ni voli tanta.
Propria pi’ nui, scindìu lu Signori,
mantinìu lu pattu, ndi ‘nnucìu l’amori.
L’amori pi’ nu mundu ribbusciàtu,
ca Ddiu e Santi, èra ‘bbandunàtu.
Toppu lu dilùviu, prufèti hannu parlatu,
finchè lu Criatòri lu figghiu n’è mandatu.
S’è fattu comu a nui, è natu puvirièddu,
ntra na mangiatòra cu nu sciupparieddu.
Add a commentLi Cènniri e la Quarèsama di Emanuele Castrignanò
Cè spicciàva Carnuvali,
comu tici lu Missàli,
s’er’a fùciri alla Chiesa
pi’ la cènniri prummèsa.
Addasciùni e astinènza
e po’ tanta pinitènza,
la Quarèsama ncignava
carni no’ si ni mangiava.
Add a commentUna volta carnevale, a Mesagne, era così (di Emanuele Castrignanò).
Carnuvali
Si spittava Carnuvali
cè passava lu Natali,
nc’era festa e allicrìa
‘ntra li casi e pi’la via.
‘Ntra currianduli e fittucci
stanchisciàti comu ciucci
si ballava alli vigliùni
ddo’ no’ scìunu li vagnùni.
Add a commentLu quazettu ti la Bifana di Emanuele Castrignanò
To’ mandarini frischi, to’ nuci scurciulàti,
favi ti la monaca e pastigli scrafazzàti,
castagni ti lu previti e ciciri ‘rrustuti
misi ‘ntra quazetti, ca stàunu ‘ppinduti.
E tuttu qustu, era quddu ca s’acchiava,
jàta alla mamma c’a stientu, lu ‘rranciava.
Atru, no’ si spittàunu li mari puvirièddi,
e a voti, mancu, to’ scorzi ti nuceddi.
Ma, stava a ci cutìa pi’ tutti li rricali,
toppu quiddi avuti la notti ti Natali.
Era na principessa, pi’ loru, la Befana,
e no’ na vecchia cu sciarpa e na suttana.
L'arvulu ti la (s)fica di Emanuele Castrignanò
L’ àrvulu ti la (s) fica
L’annu scorsu ti Natali
si nn’anchièra li giurnali
pi’ qudd’àrvulu spinnatu
ca ti corpu fo’ llivàtu.
Fora tanti li cristiani,
cu la capu ‘ntra li mani,
ca qudd’àrvulu uardàunu
e li palli li cunfiàunu.
Add a commentAspettando la notte di Capodanno con Emanuele Castrignanò.
La notti ti Caputannu
Quantu pinzieri l’urtumu ti l’annu
no’ viti l’ora cu si ni va’ scappannu;
facendu li cunti ti quddu ca t’è datu,
so’ chiu’ li uài ti ciò ca t’è lassatu.
Add a commentAppena mi corcu, penzu allu Natali … altra composizione di Emanuele Castrignanò per il Natale.
Quandu la sera, stancu ti fatia,
mi va’ corcu ‘ntra lu liettu mia,
‘ppoggiu l’acchiali ‘ntra lu tiraturu,
stutu la luci, mi piaci stà allu scuru.
Prima cu dormu, penzu, a motu mia,
a quantu nd’era tittu lu Mmissia,
vinendu ‘n terra la notti ti Natali
‘ntra ‘nu mundu ritottu propria mali.
Add a commentIl Natale di Emanuele Castrignanò
Cuntàumu li giurni e no vitiumu l’ora
pi fari lu prisepiu e pi cantà la gloria
allu Mammìnu, c’ogn’annu nci nascia,
la notti ti Natali ‘ntra quedda casa mia.
Add a commentL'acqua alli muerti
L’acqua alli muerti
Cè trasìi allu Campusantu,
n’àtru picca cu mi spantu,
veddi all’ànguli ppinduti
porta acqua alli chiaùti.
“Sapi cè s’hannù sunnatu,
- iu pinzai, mienzu stunàtu-
fannu tanti cosi stuèrti,
cè hann’ambèviri li muerti ?”
Add a commentIMI - Internati Militari Italiani - 8 settembre 1943
IMI - Internati Militari Italiani 8 settembre 1943
Appena quedda voci si spandìu
nginucchiàtu priài nanz’a Ddiu,
l’armistiziu l’Itaglia era firmatu,
e pi’ lu prièsciu mi sintìa stunàtu.
Add a comment