L’ammu squaggiati tutti ‘sti cumunisti! (di Quartarieddu).

Quartarieddu ‘ncontra Cuchicchiu e cumenzunu a parlari ti pulitaca.

Vanno allu cimiteru a ‘ddo la bonanama ti Catinazzu che era nu timucristianu certu e nci contunu c’è successu st’urtimi ggiurni comu ci dda sobbra no’ ni sannu nienzi.

Ue’ Cuchì a sapire ca na vota Nironi cu si ddiverti, tissi a Ticillinu cu manda ntra la rena nu picca ti cristianu e na bbona ticina ti liuni. Poi ggiratu versi Puppea tissi: mugghie’spetta nu picca ca mo’ viti ‘cè succeti.

Trasera ‘ntra la rena, prima li cristiani ca sciunu tutti cantandu l’Avi Maria e poi li liuni. Ticillinu cuntentu pi’ cuddu ca era fattu sta uardava Nironi e totta na vota lu veddi sbiancari cu la barba nera nera e ca pirdenni lu chiamaunu cussini.

Ticillinu 'uardau ntra la rena e veddi ca li Cristiani sempri cantandu si sta futtìunu li liuni e nci venni cu tuttu lu cori cu ddici: “Menchia aggiu sbagliatu aggiu mandatu ntra la rena li timucristiani!!!

E li cumunisti annu cappatu la stessa sorti.

Quartarieddu si ggirau versu Cuchicchiu e dissi: Ticimunciulu a Catinazzu ca lu facimu cuntentu: Catina’ li timuscristiani st’utimi anni sannu scrittu allu Partitu timucratucu e sannu futtutu tuttu: lu Sicritariu nazziunali ti lu partitu, lu Capu ti lu Guvernu, moni lu Presidenti ti la Ripubblica, ‘nzomma tuttu e poi tuttu ancora!  e a casa se ne sciutu puru Talema.

E l’urtama no’ la sai: a Misciagni li timucristiani annu 'mpristatu nu paru ti scartini alli cumunisti e sti scartini sannu fitatucu squagghiatu no sulu lu partitu ma puru tuttu lu municipiu.

Catina’ tammu cuntatu comu stannu li fatti e mo’ ni sta cutimu la bella e comu ticìvi ssignurìa na fiata: a ci cretu rozzula!!!

Quartarieddu