La pascaredda ti nna vota.

Tant’anni aggretu la “pascaredda” a Misciagni si fistiggiava lu martidia toppu Pasca.

Staunu cristiani ca sciunu alla Grazia, atri ca sciunu alla Turretta e atri ancora ca sciunu a atri campagni vicinu allu paesi.

Pi cuddu ca mi rricordu, si mangiaunu fucazzi, fucazzi chiini, purpetti e purpittuni, pagnotti cu murtatella e pruvuloni, e si nbivia vinu neru, cuddu bbuenu, cuddu casaluru.

Mi rricordu nu particulari ca me rrimastu impressu pi tant’anni, cudd’annu mi purtarunu alla Turretta, sotta all’arvuli staunu ssittati li cristiani, ca mangiaunu e mbiviunu, li vagnuni mangiaunu e sciucaunu atturnu atturnu all’arvuli, ncununo nchianava puru sobbra e sputtia quiddi ca erunu rimastu abbasciu.

Nu pareti ti petri ddividia la strata, sempri ti terra e petri, ti lu tirrennu, stu pareti no tantu iertu furnia cu na culonna sempri ti petra ma nu picca chiu ierta e larga.

 

Sobbra alla culonna nu cristianu ca ballava, cantava e ticia tanti cosi, tutti a rima a rima e facia ritiri tutti li cristiani ca a ciercu atturnu a quedda culonna lu sintiunu e nci battiunu li mani.

Ogni tantu si nvicinava nna cristiana cu na patella chiena ti purpetti e lu buttiglioni ti lu vini e ticia: “Meh fermiti nu picca, mangiti to purpetti e mbiviti nu bicchieri ti vinu.” Lu cristianu si firmava, mangiava li purpetti e li purpittuni, si mbivia nu bicchieri ti vinu e subbuto ncuminzava a ballari, cantari e ricitari.

Ti sobbra alla culonna, ca pi iddu era lu palcuscenuco, ticia na cosa cretu l’atra e sputtia tutti, ci pi lu cugnomi, ci pi lu soprannomi, a tutti nci truvava na cosa ti ritiri e nci facia subbutu na rima.

Si muvia sobba a quedda culonna comu nu bballarinu, facia finta ca sta catia cu faci spantari li cristiani.

Ticiunu ca era uno ca nci piacia cu faci scherzi a tutti, era unu ca facia ddivirtiri addo s’acchiava acchiava, era unu ti cumpagnia e tutti lu vuliunu all’antu loru, ticiunu puru ca la sera ntra la cantina toppu ca s’era mbiutu to tre bicchieri ti vinu, ccuminzava a cantari e ricitari a rima a rima e facia ddivirtiri, quarcuno ca era statu sputtutu nu picca ti chiui, si azava e si nni scia nu picca turbatu, ma la sera toppu turnava alla cantina comu ca non era successu nienti.

Lu nomi no mmi lu rricordu, ma mi rricordu li cristiani ca ritiunu e nci battiunu li mani.

Li signurini ntra nu scherzu e na battuta ti mani, senza cu ssi fannu avetiri ti li mammi, mandaunu signali cu lli uecchi, alli ziti, signali ca erunu megghiu ti tanti missaggini ca si mandunu moni cu lli tilifonini, signali ca ticiunu quantu si vuliunu bbeni.

Nc’era puru nu cristiano ca sunava la fisarmonaca, sunava musichi campagnoli, si cantava e si ballava tutti anziemi, nu ballu a ciercu, atturnu atturnu, tutti a manu a manu, la manu ti la zita stringia cuedda ti lu zitu e lu cori ti tutti toi loru bbattia subbutu forti forti.

Quandu lu soli ncuminzava a calari furnia la musaca e si turnava a casa.

Era na pascaredda tiversa, chiù puviredda, ma tantu tantu bedda.

Annu passati chiùi ti cinquant’anni ma mi faci veramenti piaceri cu lu contu a vui stu rricordu mia.

 

Carmelo Colelli





Per offrirti il miglior servizio possibile questo sito utilizza cookies. Continuando la navigazione acconsenti al loro impiego in conformità della nostra Cookie Policy.