Sulla questione Messe qualche considerazione di "cuddu din tra la Ngegna"
Carissimo direttori,
ti sta vvisu ti moni ca questa è una "riservata personali" e ca ti la sta scrivo apposta a manu, pirceni ci la minti sobbra allu zitu tua armenu à abbutari lu sangue e ti là ricupiari.
Propria sabbutu la sera è vinutu a casa cumparama Ninu ca l'attani scia sempre cu sirma a Brindisi cu va trovunu lu generali Messi all'albergo Nternazionali e nni purtaunu a nui piccini.
Sta parlamu ti l'anni Cinquantasetti-cinquantottu ca iu tinia menu ti teci anni.
Sirma e l'attani di cumparama nci vuliunu assai benni alla generali ca erunu stati alla Russia anziemi e si nn'erunu tornati disseparatamenti ca Messi nni lu feciara turnari prima e pi stingu a ci vinia toppu nci spartiu alli ssurdati tutti li sigaretti.
Nzomma cunparama mi ha ditto ca à ntiso ca volunu mettunu lu monumentu allu generali mmer'a castieddu: e qui si stanno scocozzando i morti diversi cristiani anche pirceni anno misu mmienzu atri cristiani ca dici ca sapunu, a a mmei mi pari ca mi hanno tittu ca nci stai un ragiunieri, un provvisori, un mestru di scola e nsomma no si sta capesci già cchiuù nienzi.
L'unucu ca sapi eti lu provessori Messi - bellu macanzesi puru iddi ca quand'era vagnoni com'a mmei li piaciunu li femmini ca sciumu alla scola anziemi - ca a tiempu sua si pigghiau lu bustu ti lu generali e ca mi sta penzu nna cosa, anzi toi, forzi treti.
La prima eti ca lu bustu ti lu generali ci sànna lliticari sta bbuenu ddo stai (a casa ti lu provessori); la seconda eti ca nzinaquandu parluno lu ragginieri che mo si ha lauriatu, lu professori e l'atro professori e l'atro provessori e poi nni chiamnunu nnattru li misciagnisi paiunu sordi e sontu mali sirvuti; la terza eti ca mo lu generali faci cinquanta anni ca morse e ncora si sta gira e vota ntra llu nnicchiu e no’ è ggiustu, pirdenni è cosa bbona cu nci tamu puru a iddi nnu picca ti rrifina.
Quando nci stavo ddittando a figlioma questa lettira mi ha ditto ca sono rivisionista. Iu nci ò tirato uno scaffo e nci ho ditto ca no sso fatti ca lo ricuardano, ca iddu è vagnoni e ca eti cosa bbona cu si faci li strac.... sua, ca ggià nci stannu tanti provessori e raggiunieri provessori e politicanti provessori e aucati provessori e mietici provessori aggiro... E nzomma ca iddi (com'a ttei) eti propria di cchiui.
Mo ci tieni cu...raggiu ricopiti la lettara e mintala sobbra alle zitu. Iu no ncentru nienzi, pirceni la mia eti una "risirvata personali" e ci tuni no ti faci li fatti tua no’ so fatti mia.
Statti bbuenu e mi raccumandu... tu no mi faci cuntrattu e iu fazzu lu fessa.
Cuddi tin tra la Ngegna
