mesagne.net

Elogio della fretta

(in dialetto non genuino)

 

La velocità ci porta a distrazioni;

non si fa usu chiù d’attenzioni.

Scappando si faci la spesa:

 

cibi scaduti sempri a sorpresa.

 

Lu bagnu? No! La doccia veloci.

Non si spetta ci lu cibu si coci.

E li sapori e profumi ti na vota?

Ci son  piatti pronti. Caliti mpota.

Spindi sinu all’urtumu turnesi,

cussì non arrivi a fine mesi.

Li boni pietanzi, li cosi tuci?

Strafucati  cu la fretta ti lu fuci fuci.

Teni pressa anche lu dottori;

visita veloci ti la genti li malori,

non usa chiù orecchiu e  manu;

ti uarda appena appena ti luntanu;

ti odina  tac, analisi, ecografia

e  velocemente ti manda via.

L’auto è sempri chiù veloci;

cussi crepa l’invidia ca ti coci.

Rrotunu vecchi e pensionati

anche su strisci ben evidenziati.

Ce va truvandu? Tenunu  fretta.

Ci li mpedisci la morte l’aspetta.

Scappanu come scarcagnulu.

No sentunu  ragioni comu  mulu.

Li fermi? Non nci so santi

sti strunzi cu la capu vacanti.

Tutti ntra l’auto mpollaiati,

credendosi ricchi arrivati.

Però milli cambiali a scadenza

ca ci no paghi, rimani senza

Puru lu salutu s’è velocizzatu;

in fretta e furia vieni salutatu.

Non chiù Buonasera per intera,

ma solamente na veloci “Sera”.

Comu nelli filmi ti Ritolini

scappi, corri, non chiù camini.

Veramenti fortunato ci veti

quarcunu ca camina a peti.

Ci parli, nisciunu ti senti,

sembra ca criti alli ienti.

No si perdi tiempu a pinsari:

chiusu è lu cirvieddu pari pari.

Ti servunu pareri pi la discussioni?

Son belli e pronti alla televisioni.

Perciò viva la fretta! Viva la pressa

Attentu! La vita ti faci fessa.

Rallenta. Dai al pensier le vele.

Se no: pugno di moschi e ragnatele.

 

Pasquinio, Maggio 2010